Угольник көшесінен қар шығарылмай жатыр

Қары үйілген, бірақ әлі қары шығарылмаған көшелер бар. Тұрғындар ауласындағы қарды көшеге үйе бергендіктен, көше де тарылып қалған.Тұрғындар қарды ауладан да, ауланың алдынан да шығарып, үйіп қойдық. Мұны алмаса, ертең күн жылығасын суға кетеміз, деп үрейленіп отыр. Былтыр арнайы техника бұл ауданда төбесін небары 2 рет көрсеткен. Наурыздың алғашқы аптасы аяқталуға тәмам. Тұрғындар болса қар шығаратындар әне келеді, міне келеді деп елеңдеумен отыр.
Айта кетейік қаламызда қар шығару жұмыстары 2 кезеңмен күндіз-түні жүргізілуде. Бүгінге дейін қаладан 255 мың текше метрден астам қар шығарылды. Бұл жұмыстарға 310 арнайы техника жұмылдырылған. Бірақ, қар мөлшерінің шамадан тыс көп болуына байланысты қазір 100-ден астам техника қар шығару жұмыстарына қосылады,- дейді жауаптылар.

Количество показов: 99
Дата создания: 07.03.2025 12:07:15