Бүгін темір жол вокзалында "мемлекеттік көрсетілетін қызметтер жәрмеңкесі" өтті. Онда халықты жұмыспен қамту, әлеуметтік қорғау, білім, жер қатынастары, денсаулық сақтау және халыққа қызмет көрсету орталығы өкілдері азаматтарға қажетті ақпараттық кеңес берді. Жұртшылық көрсетілетін мемлекеттік қызметтер туралы, құжаттарды жинау тәртібі туралы сұрап білді.
Облыстық мемлекеттік қызмет істері департаментіне тұрғындар тарапынан өтініш, сауалдары жиі түседі. Халықты құжаттарды жинау, өткізу талабы алаңдатады. Сондай-ақ, бүгінгі жәрмеңкеде білім, денсаулық сақтау саласына қатысты сауалдар жиі қойылды. Жер қатынастарына қатысты тұрғындардың мәселесі тиісті мекеме көлемінде шешілетін болды. Аталған жәрмеңке жыл соңына дейін тағы халық көп шоғырланатын мекемелерде бірнеше мәрте өткізілмек.