Қалада кешегі дүрбелең бүгін тағы қайталанды. Осымен екінші күн №2,1,21,22, 56 орта мектептердің электронды пошталарына "ғимаратқа бомба қойылды" деген хабарлама түскен. Полиция қызметкерлері мен саперлар бұл мектептерге дереу жетіп, адамдарды эвакуациялап, ғимараттарды қоршауға алып, іздеу жұмыстарын жүргізді. Бірақ жарылғыш құрылғылар табылмады. Полиция күдіктіні іздеп жатыр.
Аталған дерек бойынша сотқа дейінгі тергеу басталды. Облыстық ПД баспасөз қызметінің жетекшісі Ерболат Сарқұлов жалған ақпарат таратушы ұсталса, 5 жылға бас бостандығынан айрылатынын мәлімдеді. Осы 6 бірдей мектептегі 3 400 баланың сабағы 1 сағатқа тоқтатылды. Жарылғыш заттың қойылғандығы туралы ақпараттың жалған екендігіне көз жеткізгеннен кейін ғана мектептерде оқу процесі қайта жалғасты.Айта кетейік, өңірде мұндай жағдай бірнеше рет қайталанды. "Телефон террористері" құрыққа ілінбей қоймайды, дейді полиция департаментіндегілер.