Жыл басынан бері тұрғын үй бағасының өсуі жалғасуда. Бір айда елімізде орта есеппен жаңа тұрғын үйдің бағасы 0,4%-ға қымбаттаған. Ал біздің өңірде өткен жылы шаршы метрдің құны 150-170 мың теңге болса, қазір 200-220 мың теңгеге дейін шарықтаған.
Бір жыл ішінде тұрғын үй бағасы 15 пайызға дейін қымбаттаған. Жылжымайтын мүлік нарығының сарапшысы Баубек Сейталиннің айтуынша, оның бір себебі - ұлттық валюта бағамының құбылуы. Құрылыс компаниялары материалды шетелден сатып алатындықтан долларға тәуелді. Ұлттық статистика бюросының мәліметі бойынша, ағымдағы жылдың ақпан айында қайталама нарықтағы баспана құны 5,5%-ға өскен.