Т.Ахтанов атындағы облыстық драма театрының жаңа маусымы 21-қазанда ашылады. Қазақ труппасы Т. Ахтановтың "Махаббат мұңы" драмасын әзірлеп жатыр. Спектакль қалалық мәдениет үйінде қойылады. Ал 23-24 қазан күндері театрдың кіші залында премьераның тұсауы кесіледі. Сұлтанәлі Балғабаевтың "Ғашықсыз ғасыр" пьесасы "Арамыз жылып қалар" атауымен сахналанады. Қоюшы режиссері - Мейрам Хабибуллин. Аталған пьеса КСРО халық әртісі Фарида Шәріповаға арнап жазылған.
Бүгінгі күні театр әртістерінің премьераларға дайындығы қызу жүріп жатыр. Пандемия кезінде театр жұмыстары тұралап қалғаны жасырын емес. Оның үстіне театр ғимаратының жөндеу жұмыстары аяқталмаған. Соған байланысты театр ішінен 50 адамға арналған кіші зал ашылды. Жаңа қойылымдар сонда өтетін болады. Орын саны шектеулі болғандықтан спектакль билеттерін "Тикетон" сайтынан ойлайн тапсырыспен сатып алуға болады.