Су тасқынына дайындық

Су тасқыны қайталанбауы керек. Былтыр өңірімізде болған су тасқынына байланысты облыста төтенше жағдай жарияланып, жұрт біразға дейін есін жия алмаған болатын. Табиғи апаттың салдарымен күрес әлі бітпегенімен, жағдай біршама тұрақталып келеді. "Апат айтып келмейді" демекші, табиғи апаттың алдын ала алмасақ та, шығындар мен тәуекелдерді азайтатын шаралар қолданылуы керек екені сөзсіз. Жергілікті билік биыл суға тосқауыл болады, деп отыр. Ол үшін бірқатар шаралар қолға алынбақ. Төтеншеліктердің айтуынша өзендердің жағалаулары мен арналары нығайтылып, бөгеттер салу және жөндеу, сондай-ақ арықтар мен каналдарды тазарту жұмыстары жүргізіліп жатыр. Жоспарланған 135 инженерлік іс-шараның 115-і орындалды, қалған 12 сі жалғасып жатыр.«Қазсушар» облыстық филиалының басшысы да облыс орталығындағы үш су қоймасының жай-күйі және олардың алдағы су тасқынына дайындығы туралы айтып берді. Мекеме директоры баяндағандай, «Қазсушар» теңгерімінде 27 нысан бар, оның ішінде-Ақтөбе, Қарғалы және Сазды су қоймалары, Ойыл ауданында Тамдыкөл бас шлюзі-реттегіші, 6 аудандағы көлтабанды суару жүйелері, бөгеттер мен Ырғыз ауданындағы топтық су құбырлары бар. Сонымен қатар облыс бойынша өзен арналары бақылауда. Оны мамандар күнделікті бақылап отыр. Апаттың алдын алу немесе тәуекелдерді азайту үшін мұздарды жару жұмыстары жүргізілмек.
Количество показов: 321
Дата создания: 01.02.2025 08:34:09