Студенттердің хор ұжымы-әлемде үшінші
 | Ақтөбе гуманитарлық колледжінің хор ұжымы мықтылар қатарында. 36 өнерпаз студент 2-6 сәуір аралығында Ресейдің Санкт-Петербург қаласында жасөспірімдер арасында өткен әлемдік чемпионатта жүлделі үшінші орынды жеңіп алды. Жыл сайын тәжірибе жинақтап келе жатқан өнер ұжымы алдағы жазда Франция мемлекетінде жасөспірімдер арасында өтетін байқауға қатыспақ ниетте. Хор ұжымы байқауда "Тойбастар", "Біржан сал" операсынан үзінділер орындаған. Тәжірибе жинақтап, репертуарларына күн санап жаңа әндер енгізіп келе жатқан өнерлі ұжым шешуші кезеңге сүрінбей өткен. Дегенмен, гран-приді жас болса да классикалық музыканың майталмандары болып үлгерген Исландиядан келген хор ұжымы еншілепті. Мербол Қоспанов жетекшілік ететін хор ұжымы сәуір айында Ақтөбеде өтетін "Жұбанов көктемі" байқауында өнер көрсетуді жоспарлап отыр. |
«Тәулік» бағдарламасының толық нұсқасын мына сілтемеден қараңыз
Количество показов: 2364
Дата создания: 10.04.2014 17:53:29
