Студенттер автобустағы нәзік жандыларды құттықтады
 | Мейрам иісі бүгін қоғамдық көліктерде де сезілді. Түстен кейін автобустарда қатынап жүрген қыз-келіншектерді, ақ жаулықты әжелерді халықаралық әйелдер күнімен студенттер құттықтады. Ақтөбе политехникалық колледжі мен Жұбанов университетінің студенттері қоғамдық көліктегі нәзік жандылардың бәріне өздері қағаздан жасаған гүлдер мен шарларды сыйлады. Жол бойы жолаушылар ана туралы әндерді шырқады. Белсенді студенттердің бір тобы университет аялдамасында тұрып, тоқтаған автобусты ұрандатып қарсы алды. Жұмыс қамымен не басқа шаруамен қоғамдық көліктерде жүрген қыз-келіншектер ертеңгі бір қадам жақындаған мерекені сезінді. Осындай акция басқа бағыттағы қоғамдық көліктерде де жалғасын тапты. Қаладағы 14 жоғарғы және арнаулы орта оқу орындарының студенттері Ақтөбедегі әйелдердің ең болмағанда 10 пайызының көңілін көтердік деген сенімде. |
«Тәулік» бағдарламасының толық нұсқасын мына сілтемеден қараңыз
Количество показов: 2214
Дата создания: 07.03.2014 18:14:06
