Бүгін Марат Оспанов атындағы Батыс Қазақстан Медицина университетінде алғаш рет «Стоматологиядағы инновациялар: бүгін, ертең» атты Қазақстан Республикасы стоматологтарының I Халықаралық Конгресі өтті. Заманауи стоматологияның өзекті мәселелерін талқылау, тәжірибе алмасу негізінде өткен конференцияға Қырғызстан, Өзбекстан, Ресей, Башқұртстан, Польша, Израиль мемлекеттерінен стоматолог - ғалымдар, дәрігерлер қатысты. Конференция барысында мамандар шеберлік сағаттарын өткізіп, тәжірибе алмасты. Біліктілікті арттыру, жан-жақты мамандарды даярлап, стоматологияның деңгейін арттыру мақсатында ұйымдастырылған шараға елімізден бөлек Қырғызстан, Өзбекстан, Ресей, Башқұртстан, Польша, Израиль мемлекеттерінен де стоматолог - ғалымдар, дәрігерлер қатысты.
Онлайн және оффлайн түрінде өткен шарада ересектер мен балалардың ауыз қуысында кездесетін патологиялар туралы айтылды. Мамандардың сөзінше, балаларда туа бітті ауыз қуысы, тіс, жақ сүйегінің патологиялары көп кездеседі. Марат Оспанов атындағы Батыс Қазақстан Медицина университеті хирургиялық және балалар стоматологиясы кафедрасының профессоры Бақыт Жаналинаның айтуынша, әйелдің жүктілік кезіндегі денсаулығына мән берілуі керек. Екі күнге созылатын конференцияда "Базалық реанимация бойынша демонстрациялық шеберлік сағаты", «Балалар стоматологиялық практикасындағы жүйелі асқынулар" туралы және "Ауызішілік бейнекамераны қолдана отырып, бастапқы пациентке жанжақты консультация жүргізу алгоритмі" тақырыбында мастер кластар жүргізіледі.