Бүгін түнгі екі жарым шамасында Шұбарши ауылындағы жер үйлердің бірінде газ баллоны жарылып, екі адам зардап шекті. 84 шаршы метр аумақта үйдің қабырғалары құлап, шатыры ортасына түскен. Жарақат алған 27 жастағы жүкті келіншек пен 57 жастағы ер адам Кеңқияқ ауылындағы ауруханаға жеткізілді. Жағдайлары тұрақты.
Айта кетейік, биылдыққа облыста 527 өрт тіркелді. Қыста, әсіресе жеке секторда үй жылытып, ас пісіру кезінде абай болуды ескертеді құтқарушылар. Жылыту пештері мен газ баллондарын қолданғанда аса сақ болған абзал.