Біздің өңірге қараша айына 12 106 тонна сұйытылған мұнай газы бөлінген. Сондай-ақ, қазан айынан артылған 1008 тонна газ осы айда игеріліп жатыр. Сонымен қатар, тапшылықтың алдын алу мақсатында энергетика министрлігінен 1500 тонна автогаз бөлінді. Облыстық энергетика және тұрғын үй-коммуналдық шаруашылық басқармасы басшысының орынбасары Нұртай Сертаевтың айтынша, автогаз құю бекеттерінде тапшылық жоқ.
Дүкендерде "Тағам" сауда белгісімен пісірілетін бөлке нан 160 теңге тұрады. "Рамазан" өнімі 120 теңге тұрады. Әзірге ең арзан әлеуметтік нанды "Ақтөбе-нан" кәсіпорны пісіріп отыр. Бағасы 100 теңге. Бұрын қалада жолаушы тасымалы қызметі құны мен нанның бағасы бірдей болатын. Қазір автобустарда жолақысы 80 теңге. Нан одан қымбат. Келесі жылы Ақтөбеде ұнның қымбаттауынан әлеуметтік нан бағасы көтерілуі мүмкін. Мәселен, жыл басынан бері "Ақтөбе-нан" ЖШС әлеуметтік нанды күніне 7 тоннадан өндіріп келген. Қараша айынан бастап серіктестік арзан бағада нан шығаруға қауқарсыз болып отыр. Наубайхана қазір күнделікті 20 тонна ұн жарата алып отыр.