Бүгін шығармашылық академиясында "Робо-Көкпардан" облыстық чемпионат өтті. Бұл ойынның авторы 11 сынып оқушысы - Нұргүл Таймағамбетова. Алғаш ойын былтыр Алға ауданындағы Бестамақ орта мектебінде ұйымдастырылған. Осылайша өнертапқыш робоспортқа ұлттық ойындарды қосуды көздеп отыр. Робо-көкпар "лего" ойыншықтарынан құрастырылған. Бір ойын 3-6 минутқа созылады. Қарсылас командалардың әрқайсысында 5 ойыншыдан. Жарысқа 125 адам қатысты. Олар 6-11 сынып аралығындағы оқушылар мен колледж студенттері. Осыдан 2 жыл бұрын алғалық өнертапқыш Нұргүл Таймағамбетова "Робо-Көкпар" ойынын ойлап тапты. Әлемді пайдалы өнертабыстарымен қуантқан жандар аз емес. Алайда, қазақтың болмысын нақтылайтын, тың идеяларымен таң қалдырғандар саусақпен санарлық. Ойын авторы бабадан мұра болып қалған ұлттық ойынды заманауи үлгіге көшірген. Бір ойын 3-6 минутқа созылады. Қарсылас командалардың әрқайсысында 5 ойыншыдан.
Ойын құрастырушысы - Нұргүл Таймағамбетованың сөзінше, әуелі лего жиынтықтарын зерттеп, кейін "Робо-Көкпарды" бір аптада құрастырған. Тәжірибе кезінде әлі де толықтырулар пайда болады, дейді. Бұдан бөлек өнертапқыш робоспортқа басқа да ұлттық ойындарды қосуды көздеп отыр. Мәселен, «Қыз қуу», «Жебе ату» ойындарының жаңа нұсқасын жасамақ. Сондай-ақ Алға ауданындағы №4 орта мектебі де «робототехника» сабағына ерекше көңіл бөліп отыр. Аталған білім ордасы балалар өздері робот құрастырып, оларды мейлінше "адамға ұқсататын" бағдарлама жасай алуы үшін жақында корейлік құлтемір сатып алған. Бағасы 600 000 теңге. Робот 1000-түрлі қимыл жасайды. Әзірге оқушылар роботтың 20 іс-әрекетін анықтаған. Мақсат балалардың өз бағдарламалары мен робот құрылғыларын ойлап тауып, оларды өмірде қолдану жолдарын жасауға баулу. Осылайша ақтөбелік робот жасаушылар ел мектептерінде өздерінің жаңа өнімдерін қолдануды ұсынып отыр. Зияткерлер мектептерде робот жасаудың қыр-сырын 5-6 сыныптан меңгертуге кеңес береді.