Президентке сыйлық. Бүгін Қазақстан патриоттар партиясы облыстық филиалының мүшелері 20 түп қарағай отырғызды. Бұл-мемлекет басшысына жасаған сыйлығымыз дейді, олар. Қарағай түптерін арнайы Башқұртстаннан алдырыпты. Патриоттар партиясының Тұңғыш президент күніне арналған өздерінің қалыптасқан дәстүрлері бар. Жыл сайын ағаш отырғызады. Былтыр 30 шырша көшетін еккен. Пушкин атындағы саябаққа отырғызған шыршалары жерсінген, жақсы өсіп жатыр. Биыл таңдау қарағайға түсіпті. Партияның облыстық филиалының директоры Николай Выходец, елбасына осындай сыйлық жасауды ұйғардық. Себебі, мемлекет басшысы қоршаған ортаны жасыл желектендіруді үнемі қолдайды дейді. Күннің суықтығына қарамастан, партия мүшелері ширақ қимылдады. "Атамекен" әнінің ырғағымен, 20 түп қарағайды әп-сәтте отырғызды. Ағаш түптерін Башқұртстаннан алдырған. Топырағымен дайын күйінде келген көшеттерді егудің нағыз маусымы - қазір, дейді мамандар. Олар аязға төтеп береді екен. Қазақстан патриоттар партиясының облыста 1500-нан астам мүшесі бар. Біздің патриоттар -шетінен белсенді дейді, Николай Выходец.