Халықаралық "Қатерлі ісік" дертіне шалдыққан балаларды қорғау күніне орай облыстық балалар ауруханасы ашық есік күнін өткізді. Қазіргі таңда онкологиялық аурумен өңірде 230 бала тіркеуде тұр. Бұл дертпен ауырғандардың көбі 3-15 жас аралығындағылар. Облыстық балалар ауруханасының онколог-гемотолог дәрігері Дәметкен Ергаринованың айтуынша, соңғы бес жылда аурудың өсу қарқыны байқалады.
Кез келген аурудың алдын алу маңызды. Қатерлі ісік ауруын да емдеу жолдары бар. Бірақ оны ерте анықтау керек. Елде жыл сайын 600-ге жуық бала онкологиялық ауруға шалдығады. 2021-жылы бұл диагноз 591 балаға қойылды. Балалар онкологиясының жалпы құрылымында ми ісіктері мен лимфомалар басым. Сондықтан мамандар балаларды үнемі медициналық тексеруден өткізуді ұсынды.