Облыс аумағында биыл республикалық маңыздағы тас жолдарды жөндеу бойынша 4 жоба жүзеге асып жатыр. Ақтөбе үстімен өтіп жатқан республикалық тас жол бөлігінің жалпы ұзындығы 1869 шақырым. Оның 83,7 пайызын күтіп- ұстау "ҚазақАвтоЖол" серіктестігі міндетінде. Біздің өңір үстімен өтіп жатқан республикалық маңыздағы тас жолдың жалпы ұзындығы 1869 шақырым болса, оның 300 шақырымына ағымдағы жылы күрделі жөндеу жұмыстары жүргізілуде. Ауқымды бағыттардың бірі "Ақтөбе-Қандыағаш" тас жолы. Жөндеу жұмыстарын 2023- жылға дейін аяқтау жоспарлануда. "ҚазақАвтоЖол" ЖШС мердігер компаниясы ол жерге халықаралық стандартқа сай жаңа асфальт төсеп, жолды 4 жолаққа дейін кеңейтуді жоспарлап отыр. Жөндеуден кейінгі кепілдік мерзімі 2 жыл.
Сонымен қатар, "Самара-Шымкент", "Ақтөбе-Орал" тас жолында және Ақтөбенің солтүстік айналма жолында орташа жөндеу жұмыстары жүргізілуде. Ол үшін 4 миллиард теңге көлемінде қаражат бөлінген. Одан өзге, өңірде қыста жолдарды күтіп- ұстауға дайындық жұмыстары жүргізілуде. Қар тазалау жұмыстарына 21 арнайы техника бөлініп, 100-ге жуық техника жалға алынған. Баяндамашылар ақылы жолдар бойынша да мәліметпен бөлісті. Біздің облыста екі бағыттағы тас жолда ақы алу жоспарлануда. Ол үшін 6 арка орнатылған. Оның 5-еуі электр желісіне қосылған, ал біреуінде күн батареялары орнатылған. Бұл Орал қаласы бағытындағы "Самара-Шымкент" және "Ақтөбе-Мәртөк-РФ шекарасы (Орынбор)" бағытындағы тас жолдар. Бұл жаңашылдық аталған жолдардағы жөндеу жұмыстары аяқталғаннан кейін енгізіледі.