Бүгін өңірдің 400-ге жуық мектебінде "Адалдық сағаты" өтті. №56 жалпы білім беретін орта мектепте жоғары сынып оқушыларымен облыстық сыбайлас жемқорлыққа қарсы іс-қимыл департаментінің өкілдері кездесті. "Адалдық сағаты" бүгін республика бойынша барлық мектеп пен колледжде өтті. Аймақтың 400-ге жуық мектебінің 95 мың оқушысы қатысты. Облыстық сыбайлас жемқорлыққа қарсы іс-қимыл департаментінің өкілдерімен ата-аналар мен ұстаздар да кездесті. Алдымен "Адал ұрпақ" жобасы аясында атқарылған жұмыстар көрсетіліп, кейін адалдық пен парасаттылық ұстанымдарын қалыптастыру тақырыбы талқыланды. Оқушылар білімді сатып алуға болмайтынын көрсетіп, көрініс қойды. Қазір облыстың 390-нан астам мектебінде сыбайлас жемқорлық тәуекелдерінің алдын алуға бағытталған клубтар жұмыс жасайды. №56 жалпы білім беретін орта мектептегі "Адал ұрпақ" еріктілер клубы 2017 жылы құрылған. Қазір 500-ге жуық жоғары сынып оқушысы мүше. "Адалдық сағаты" мектептерде тоқсан сайын өткізіледі. Бұған дейін қыркүйекте болған.