Қоғамдық көліктер жүрмейтін көшелерді абаттандыру кейінге қалып келеді
Қаладағы Зеленский тұйық көшесі жарты ғасырдан астам уақыт бойы абаттандырылмаған. Тұрғындары көшені асфальттауды сұрайды. Шанхай ауданындағы бұл көшенің жайы туралы қалалық әкімдіктегілер хабардар, дейді жұрт. Бірақ әзірге уәдемен ғана шектелуде. Зеленский көшесінің тұрғындары жыл сайын қол жинап, қала әкімдігіне арыз жазудан танбай келеді. Қарсы тараптың да уәдеге толы жауабы дайын. Бірақ әзірге жергілікті бюджеттен бұл көшеге жол салатын қаржы ауыспай-ақ қойды. Ал жыл өткен сайын көшенің сиқы кетіп барады.Зеленский көшесі жарықтандырылмаған да. Қас қарая үйден шығуға қорқамыз, дейді тұрғындар. Соңғы он жылда тұрғындар өз күштерімен бірнеше рет көшеге қиыршық тас төккізген екен. Бірақ көктемде оны су шайып кетеді.Қалалық тұрғын үй-коммуналдық шаруашылық бөлімінің сектор меңгерушісі Навои Әмірбеков тұйық көшелердің жолдары бюджеттен артық қаражат бөлінсе ғана жөнделуі мүмкін, дейді. Себебі бұл көшелермен қоғамдық көлік жүрмейді.
Количество показов: 908
Дата создания: 12.05.2023 07:43:42
