Мейірім айы келіп қалды

Рамазан айы- береке мен мейірімнің, сабыр мен сауаптың сабақтасқан уақыты. Оразада мұқтаж жандарды қолдап, қайырымдылыққа үлес қосатын ізгі амалдар жасау мыңызды. Рамазан-әр мұсылманның иманын бекемдейтін ай, дейді дін өкілдері. Кемелдік айы- бүкіл әлемдегі мұсылман қауым үшін рухани жаңару мен жаңғыру кезеңі. Мұсылман қауымы тағатсыздана күтетін, қасиетті Рамазан айының басталуына сәл қалды. 28-ақпан күні Тарауық намазы оқылады. Ораза наурыз айының 1-нен 29-на дейін жалғасады. 30- наурыз ораза айт мерекесі. Ал наурыздың 26-нан 27-не қараған түн-Қасиетті Қадір түні. Пітір садақа мөлшері биыл- 655 теңге болып бекітілді.
Биыл пітір садақа мөлшері- 655 теңге. Бұл- 2 келі ұнның орташа бағасы. Пітір садақасын құрма, мейіздің бағасымен де беруге болады. Облыстың бас имамы ақтөбеліктерді берекелі, кешірімі мол тәрбие айы, он екі айдың сұлтаны Рамазан айының басталумен құттықтап, 1 ай көлемінде мешіттерде атқарылатын шаралар жайлы айтып берді.
Рамазан айына орай еліміздің бас мүфтиі сауапты іс жасаудан жарысып, кәсіпкерлерді әлеуметтік маңызы бар азық-түліктердің бағасына жеңілдік жасау, құдайы астарды ауызашар уақытында өткізіп, арақ-шарап осы айда сатылмаса деген үндеу жасады.

Количество показов: 163
Дата создания: 28.02.2025 06:58:05