Мемлекеттік қызметкер мен мектеп директоры арасындағы дауға нүкте қойылды
Мемлекеттік қызметкер мен мектеп директоры арасындағы дауға нүкте қойылды. Ешкім ешкімнің алдында кінәлі емес болып шықты. Облыстық сотта бүгін апелляциялық шағым қаралған болатын. Мемлекеттік қызметкерге жала жапты деген мектеп директоры айыппұлдан босатылды.
Бұл істі қалалық әкімшілік құқық бұзушылық жөніндегі мамандандырылған ауданаралық соты қарады. Онда Тәжімішов кінәлі деп танылып, оған 490 мың теңге айыппұл салынды. Бұған келіспеген мектеп директоры облыстық сотқа апелляциялық шағым түсірген еді. Айта кетейік, Есет батыр ауданындағы Д. Қонаев атындағы мектеп директорын оқушы, мұғалімдердің көзінше тәртіп сақшылары қолына кісен салып, алып кеткен. Ол полиция учаскесінде жарты күнін өткізген. Мектеп директоры Абзал Тәжімішов өз оқушылары мен ата-аналарына осыдан кейін бейнежолдау жазған. Онда педагог тәртіп сақшыларының бұлай жасайтындай, ешқандай қылмысқа бармағанын айтады.
Количество показов: 680
Дата создания: 30.01.2023 13:08:03
