ҚР Парламенті Мәжілісінің депутаттары Әлия Сапарова, Сәкен Қаныбеков, Павел Казанцев, Петр Шарапаев бүгін Шәмші Қалдаяқов ауылындағы «АкТеп» ЖШС-ін аралап, жұмысшыларымен кездесті. Кәсіпорын картоп өсіреді. Көкөніс қоймасының сыйымдылығы 5 мың тонна. Былтыр 200 гектардан көп жерге 610 тонна тұқым салған. Алған өнімдерінің көлемі 4800 тоннадан асады.
"АкТеп" ЖШС заманға сай құралдармен жабдықталған. Голландтық техникаларды смартфон арқылы басқаруға болады. Мұнда 30-дан астам адам жұмыс жасайды. Бүгін депутаттар олардың сауалдарын тыңдады. Дені - баспаналы болу мәселесін көтерді. Одан өзге, ауылішілік жолдарды асфальттау, ауылға кіреберіс жолдарды жөндеу, көшелерді жарықтандыруды сұрады. Мәжіліс депутаттары Ш.Қалдаяқов ауылындағы әлеуметтік нысандарды да аралап көрді. Мектеп, балабақша ұжымдарымен кездесті. Ұстаздар жасқа қарап емес, еңбек өтілі бойынша зейнетке шығару жөнінде ұсыныс білдірді.