Бүгін қала әкімінің орынбасары Айгүл Арынғазиева 14 анаға «Алтын» және «Күміс алқаларын» табыстады. Марапатталғандардың алды 77 жастағы кейуана болса, алты және одан көп баланы дүниеге келтірген ананың ең жасы әлі қырыққа толмаған. 5 ана "Алтын алқа", 9-ы "Күміс алқаны" тақты. Олардың екеуі ғана жұмыс жасайды, қалғаны- үй шаруасындағылар. Қалада 1302 "Алтын алқа" және 1479 "Күміс алқа" иегері бар. Енді марапатталғандардың ай сайынғы жәрдемақысына 1500 теңге қосылатын болады. Үкіметтік награда алғандар сонымен қатар, мүлік және көлік салығынан босатылады.