Исатай Тайманов көшесінің астаң-кестеңі шығып жатыр

Оңтүстік батыс ауданындағы көшелердің жағдайы көңіл көншітпейді. Әсіресе, Исатай Тайманов көшесі мен Абыл Тарақұлы көшесінің қиылысының сиқы жоқ. Автокөліктер жолдағы шұңқырға жиналған суға он батып, он шығады. Бұл жолды білмейтіндер тіпті дөңгелегін жарып та алып жатыр.Тұрғындардың жолға қатысты назы көп. Былтыр тым жақсы жолды, келіп қазып кетті. Ол жұмыстар жартылай бітті, бірақ аяқталмады. Айтар шығам көп, дейді тұрғындар. Бұрынғы ескі жолға зар болған халық аяқсыз қалған жұмысты дереу бітіруді талап етуде.
Тұрғындарға қазір балаларын мектепке апарудың өзі мұң. Аяқ киімдері бүлінсе бір сәрі, қазір жиналған суды жүргізушілер балалардың үстіне шашып та кетеді. Ал зейнеткерлер осы жолмен күнделікті аурухана, автобус аялдамасына баруға мәжбүр.Естеріңізге сала кетейік, қазір қыстан кейінгі қаланың жолдарын шаңсорғыш техникасымен сыпырып тазарту, жол жиектерінің балшығын тазалап алу және кейбір көше жолдарында асфальт жабындысын ағымдағы жөндеу жұмыстары басталды. Мұндай жұмыстар қаланың орталығындағы, Мәскеу, Құрмыш, Сүт зауыты, Шанхай аудандарындағы, ескі қаладағы және тұрғын алаптардағы көшелерде де жүргізілетін болады.

Количество показов: 59
Дата создания: 19.03.2025 05:20:06