Интернетсіз бір күн
Қазіргі қоғам дерті телефонға телмірген бала, интернетке тәуелді адамзат. Бұл дерттен арылу мүмкін емес. Дегенмен, айналаңа үңіліп, виртуалды әлемнен 1 күнге болсын шығуға болады. Бүгін "Интернетсіз бір күн" күні. Күтізбедегі атаулы датаның мақсаты- адамдардың айналамен тікелей қарым-қатынас жасауына септігін тигізеді. Бұл- компьютер мен ғаламтордан, смартфондар, планшеттер мен ноутбуктардан бір сәт болса да ажырауға мүмкіндік. Бұл күн жыл сайын Халықаралық деңгейде атап өтіледі. Интернетке әбден үйренген ақтөбелік тұрғындар онсыз өмірімізді елестете алмаймыз, деген пікірде.Интернетке тәуелділік жас буын өкілдері арасында белең алған. Әсіресе ата-ана "балам тыныш болсын" деген ниетпен қолдарына смартфонды бере салады. Виртуалды әлемнің тұзағына түскен баланың ой- өрісінің дамуы шектеліп, мінез-құлқының өзгеруіне әкеп соғады. Мұны психиатрлар да мойындайды. 103 жедел жәрдем бекетінден арнайы психо-нарко бригада бар. Дәрігерлер шақыртулардың көбі балаларға қатысты, дейді. Бүлдіршіндер арасында кездесетін жүйке ауруларына смартфондардың кесірі зор. Бүгінде интернетке тәуелділіктің салдарынан адамзаттың денсаулығы ғана емес, ойлау, сөйлеу, жазу мәдениеті де төмендеп барады. Интернет арқылы дайын асқа тік қасық болып, дайынға үйреніп, өз бетінше ештеңе бітіре алмайтындай күйге де жетіп жатқандар қаншама. Желіні бірнеше сағат пайдалану кибер тәуелділік деп аталады. Интернет-тәуелділіктің ең айқын белгілері – бұл Интернетке қолжетімділік болмаған кезде мазасызданып, дел-сал болу. Адамзатқа үндеу! Виртуалды әлемнің бер жағына шығып, айналаңызға бір көңіл бөліп қойыңыз!
Количество показов: 372
Дата создания: 29.01.2025 07:32:46
