Газ қымбаттады

Газ бағасы қымбаттады. Өңірімізде қазір көгілдір отынның бұл түрі 77 теңге. Бүгін түсірілім тобы куә болғандай, жанар-жағар май құю бекеттерінде әзір кезек жоқ. Автокөліктер де емін-еркін газ құйғызып жатыр.
Кезек жоқ болғаны қуантады, әрине. Басқа әңгіме, бағада. Газдың қымбаттауы - автожүргізушілердің, әсіресе, такси жүргізушілерінің қалтасынан қағуда. Автокөлікпен нәпақасын тауып жүргендер шығынымыз артатады, деп налиды. Жанар-жағармайдың қымбаттауына байланысты бағалар көтеріледі, оған қоса автомобильге қажетті бөлшек заттар да қымбат. Сондықтан, такси қызметі де қымбаттауы мүмкін, деп отыр. Тұрғындар газ бен бензин қымбаттаса, тағы тамақ та қымбаттайды. Күнімізді әрең көріп жүргенде, әр бағаның көтерілуі бізге соққы болып тиіп жатыр. Бала шағамызды асырау үшін дамылмай, күндіз түні жұмыс жасайтын шығармыз,-дейді олар.
Ал кәсіпкерлік басқармасының айтуынша, облыста газ тапшылығы жоқ. Тек ақпан айына облысқа 1 564 тоннасы жергілікті зауыттардан жеткізіліп отыр.
Газ бағасынынң қымбаттауын, энергетика министрлігі өндіруші зауыттарда жоспарлы жөндеу және жаңарту жұмыстарына қаражат жетіспейтіндігімен байланыстырған болатын. Ал сұйытылған газға сұраныс өскен. 2022 жылы 1.2 млн тонна газ тұтынылса, 2024 жылы 2,4 млн тоннаға жетеді деген болжам да жасады.

Количество показов: 251
Дата создания: 04.02.2025 06:07:27