Ертең де қала мектептерінде барлық сынып оқушылары үшін сабақ болмайды. Балалар messenger, kundelik.kz, zoom платформалары арқылы қашықтан білім алады. Жеке компьютер, гаждеттері жоқ оқушылар мектептері тарапынан ноутбук, планшеттермен қамтылған. №16 - шы орта мектепте 1200 - ге жуық оқушы білім алады. Аяз күшейгелі мектеп балаларды қашықтан оқуға жіберген. №16 - шы орта мектеп директорының тәрбие ісі жөніндегі орынбасары Маргарита Ұлықпанованың сөзінше, сынап бағаны -23 - 24 градустан төмен болса бастауыш сыныпқа сабақ болмайды. Ал ауа температурасы -25 градустан түскенде 1 мен 9 сынып аралығындағы оқушылар онлайн оқуға көшіріледі. Аяз бұдан да қатайса, жоғары сынып оқушылары да қашықтан оқиды. Үйлерінде онлайн оқитын құралы жоқ балалар мектебі тарапынан ноутбук, планшеттермен қамтылады. Бірақ, оқушылар тарапынан сұраныс болмаған. Жаңа тақырыптар видео арқылы түсіндіріліп, тапсырмалар messenger қосымшасы арқылы жіберіліп жатыр.
Балаларды онлайн оқыту ертең де жалғасады. Балалар осы аптаның аяғына дейін онлайн оқып шығуы мүмкін. Өйткені осы аптаның соңында ғана аяздың беті қайтады, деді синоптиктер.