Қақаған аязда көшеде қоқыс жинап, қар аршып , тротуарларды тазартып жүрген қара жұмысшыларға бүгін ыстық шәй мен бауырсақ таратылды. "Ыстық шәй, жылы лебіз" деп аталған акцияны еріктілер "Астана" ауданы әкімдігімен бірлесе ойластырған. Көше тазалаушы адамдар өздеріне көрсетілген жанашырлыққа іштері жылып қалды. Дәл осылай еріктілер күннің суығында қала тазалығымен айналысып жүрген жұмысшыларға ыстық шәй мен бауырсақ үлестірді. Қалада еріктілер ұйымдары жетерлік. Кеше "Игілік" деп аталатын еріктілер тобы дәл осылай 50 шақты жұмысшыға ыстық шәй мен бауырсақ таратқан. Сонымен қатар, волонтерлар тарапынан арнайы киім - кешектермен де қамтамасыз етілген.
"Астана" ауданына қарасты көшелерде қар тазалау, санитарлық тазалық жұмыстарына 5 мердігер компания жұмылдырылған. Әрбір компанияда 40 - қа жуық жұмысшы бар. Олар күнде таңғы 8 - ден кешкі 6 - ға дейін жұмыс жасайды. Еріктілердің "Игі істер" акциясы аптаның соңына дейін жалғасады.