Балақайларға базарлық! "Болашақ" ықшам ауданында алғаш рет балалар үшін ойын алаңы ашылды. Құрылысына 1 млн теңге жұмсалған. 260 шаршы метр аумақта балалар үшін әткеншектер мен сырғанақтар орнатылған. Алаң "Менің қалам үшін" әлеуметтік жобасы аясында ашылып отыр. Болашақ үшін балалар алаңы. Тұрғызылғанына 5 жылдай уақыт өткен "Болашақ" ауданында бүгін алғаш рет балақайлар үшін ойын алаңы ашылды. Ықшам ауданның негізгі тұрғындары жас отбасылар мен мүмкіндігі шектеулі жандар, мемлекеттік қызметкерлер. Ауданда әлі де көпқабатты тұрғын үйлер салынуда. 260 шаршы метр жерді құрайтын мына аумақта осы ауданның кішкентай тұрғындары енді асыр салып ойнайтын болады. Ойын алаңы құрылысына 1 млн теңге жұмсалған. "Менің қалам үшін" әлеуметтік жобасы аясында балалар алаңын тұрғындарға "Құс жолы" қайырымдылық қоры мен еліміздегі ірі банктердің қаладағы бөлімшесі сыйға тартып отыр. Ойын алаңында сырғанақтар мен әткеншектер, секіргіштер, арнайы құм төгілген жерлер бар. "Болашақ" ауданында қазір 30-дан аса көпқабатты үй бар. Ал балалар алаңы үшеу ғана . Сондықтан тұрғындар бүгінгідей ойын алаңдары көптеп ашылса деген тілектерін айтып қалды.