Батыс-2 ауданында жаңа бассейн ашылды
 | Бүгін Батыс-2 ықшам ауданында 50 метрлік бассейні бар «Достық» су спорты орталығы пайдалануға берілді. Ғимарат құрылысы белгіленген мерзімде біткен. Салтанатты ашылу салтанатына аудан тұрғандарымен қатар, спортшылар, облыс әкімі Архимед Мұхамбетов қатысты. Қысқа мерзімде құрылысы аяқталған су орталығында 50 метрден он жолағы бар бассейн көз тартады. Бассейндегі су тап-таза, мөлдіреп тұр. Мұндағы су терең болғандықтан әзірге кәсіпқой спортшылар жаттыға алады. Ғимарат қосымша спорттық құрал-жабдықтармен жабдықталған. Нысанның салынуына 1 млрд 574 млн теңге жұмсалған. 203 шаршы метрлік спорт залы, 196 шаршы метрлік гимнастика залы, массаж кабинеттері бар. Орталықты аралап шыққан облыс әкімі болашақта бұл жерде Азия мен Қазақстан чемпионаттары, ашық турнирлер мен қала біріншіліктері өткізілетінін жеткізді. Жоспарда әрине олимпиада чемпиондарын дайындап шығу да бар. Айта кетелік, әмбебап оқу жаттығу бассейнінде бір ауысымда 250 адам жаттыға алады. Келушілердің жүзіп жаттығуы үшін 45 минут уақыт беріледі. Ыңғайлылық үшін спортшыларға киінетін жер, жуыну бөлмесі, дәрігер кабинеттері, құрал-жабдықтар сақтайтын бөлме орналасқан. |
«Тәулік» бағдарламасының толық нұсқасын мына сілтемеден қараңыз
Количество показов: 2620
Дата создания: 28.12.2013 18:04:38
