Балаларын бірінші сыныпқа апарып тұрып, ата-аналардың ұстаз таңдауы да содан. Барлығы да ұл-қыздарының тәжірибелі мұғалімнен сабақ алғанын қалайды. Ал сынып жетекшісі жиі ауысатын болса, бұл ата-ана үшін де, оқушы үшін де үлкен проблема. Қазір №12-ші орта мектепте дәл осы мәселе көтеріліп жатыр.
Ата-аналардың сендіруінше, 2019-2020-оқу жылы басталғалы әсіресе, екінші сыныпта класс жетекшісі 3-ші рет ауысып жатыр. Ал ұстаз алмасқан сайын балалардан да, ата-аналардан да маза қашады. Оқушылар біріне үйренісіп болмай, кезекті ұстазды қабылдауға мәжбүр. Әр мұғалімнің оқыту тәсілі әртүрлі. Мектеп басшылығы болса, заң жүзінде әрекет етіп жатқандарын алға тартады. №12- орта мектепте ұстаздар жетіспейді. Бастауыш сынып мұғалімдері және жоғары сыныптарға физика, ағылшын тілі пәнін оқытушылар тапшы. Ата-аналардың бар тілегі мектепте балалардың алаңсыз сапалы білім алуы. Қай мектеп те оны қамтамасыз етуге міндетті.