Арнайы техникалар қала ішіндегі жолдардың қарын аршуға кірісті. Бүгін көшелерге 51 техника шығарылды. Көктайғақтың алдын алу үшін 1000 тонна тұз және 1200 тонна құм мен тұздың қоспасы дайын тұр. Инертті материалдар жаяу жүргіншілердің аяғы астына себіліп жатыр. Осы қыста жолдарды күтіп ұстауға 10 мердігер мекеме жауапты.
Қоғамдық көліктер жолы алдымен аршылады. Жалпы жұмысшылардың міндеті көлік нөпірі көп басты даңғылдар мен көшелерді ұдайы тазалықта ұстау. Тротуарлардың да уақытылы қары аршылып, жаяулардың жүріп-тұруына ыңғайластырылуы қажет. Қазіргі таңда жол жиегін тазарту үшін 8 бригада жұмылдырылған. Қала аумағында шаһардан шығарылған қарды қабылдауға арналған полигон жұмыс жасауда.