Бүгін "Алғыс айту" күні
Бүгін 1 наурыз - "Алғыс айту" күніне орай "Қазақ халқына мың алғыс" ескерткіш-стелласына қалалық әкімдік пен ұлттық-мәдени орталық өкілдері гүл шоқтарын қойды. "ДЭШ" сыған ән - би ансамбілінің әншісі - Алексей Дадусенко "Жаса Қазақстан" әнін орындап, этно-мәдени бірлестіктер атынан алғысын білдірді. Түрлі ұлттық-мәдени орталық өкілдері ескерткіш алдына гүл шоқтарын қойып, өткен тарихымызға шолу жасады. Әрі, қазақстандықтар арасында сақталған мызғымыс достығымызды ерекше атап өтті. Қала әкімінің орынбасары Гүлназ Сисенова қала халқын мерекемен құттықтады."Алғыс айту" күніне орай "Қазақ халқына мың алғыс" ескерткіш-стелласы алдына жиналған жастар да белсенділік танытты. Аспан астында өткен шарада халқымызға деген алғысын сыған ән - би ансамбілінің әншісі жүрек жарды әнімен білдірді.
Количество показов: 724
Дата создания: 01.03.2023 11:36:10
