Ең өтімді саналатын Аи-92 маркалы бензин жанар-жағар май бекеттерінде литрі 115 теңгеге құйылып жатыр. Бұрынғы құнынан 5 теңге өскен. Аи-80-нің литрі - 89, Аи-95 - 148, дизель отыны - 102 теңге деп белгіленді. Елдің мұнай және газ министрлігінде сұйық отын бағасының өсуі Брент маркалы мұнайдың қымбаттауымен түсіндірілді. Ақтөбеліктердің пікірінше, бензиннің ізінен енді азық-түлік, жолаушылар тасымалы, коммуналдық қызметтердің қымбаттауын күту керек.