"Автомобилист" бау-бақша ұжымында көпбалалы отбасының жаурап отырғанына екінші апта
"Автомобилист" бау-бақша ұжымында көпбалалы отбасының жаурап отырғанына бүгін екінші аптаға кетіп барады. Ата-ана мен 6 бала жалдап отырған үйінің 1 бөлмесінде жан сауғалауда. Қаңтардың 12-13-терінде ұжымда газ реттеуші пункт істен шығып, үйдің құбырлары жарылған. Газбен жұмыс жасайтын жылыту пеші бұзылған. Отбасы үйдің жылыту жүйесін қалыпқа келтіретін қаражат таппай қиналуда.Замира Бекжанова жұрттан көмек сұрайды. Жалдап тұрып жатқан үйлерінің жылыту жүйесін қалыпқа келтірулері керек. Өткен -40 градус аяздарда "Автомобилист" бау-бақша ұжымындағы газ реттегіш пункт шыдас бермей, бұзылған. Дереу мамандар шақыртылып, жөндеу жүргізіледі. Сол уақытта 300-ге тарта үй уақытша газдан ажыратылған. Жөндеу жұмысы түнде аяқталады. Ұйықтамай газдың берілуін күткендер, көгілдір отын берілген бойда жылыту пештерін қайта қосқан. Ал көпбалалы отбасы мүшелері оны күтпестен ұйықтап қалған. Осылайша газ берілген бойда пеш қосылмағандықтан құбырлар бойындағы су қатып, жарылған. Енді жылытқыш пешті де, құбырларды да қайта ауыстыру қажет.
Количество показов: 552
Дата создания: 24.01.2023 12:45:30
