Аймақ басшысы Оңдасын Оразалиннің жұмыс сапары Байғанин ауданында жалғасты. Аудан орталығы Қарауылкелді ауылында 16 отбасы баспаналы болды. Жаңа пәтер кілттері әлеуметік осал топқа жататын азаматтарға және көп балалы жанұяларға табысталды.Байғанин ауданының Қарауылкелді ауылында 16 отбасы баспаналы болды. Жаңа пәтер кілттері әлеуметік осал топқа жатқызылған адамдарға және көп балалы жанұяларға табысталды. Екі қабатты, көппәтерлі үйдің пайдалануға берілу рәсіміне облыс әкімі Оңдасын Оразалин қатысты. Қоныс иелерін құттықтаған облыс әкімі тұрғын Хансұлу Рысбаеваның үйінде болды. Ол 10 баланы дүниеге әкелген. Қолымда мүгедек қызым бар. Оған баспана ауадай қажет болатын, дейді әйел. Бүгінде көп балалы ананың арманы орындалып, ризашылығын білдірді. Одан кейін өңір басшысы Байғанин аудандық әкімдігінің жаңа ғимаратына бас сұқты. Ескі ғимарат осыдан жарты ғасырдан астам уақыт бұрын салынған. Айта кету керек, жаңа нысанда мемлекеттік қызмет халыққа «Бір терезе» қағидатымен көрсетіледі. Сондай-ақ мұнда "Ашық әкімдік" фронт-кеңсесі орналасқан. Облыс басшысы аудан орталығында салынған балалар мен жасөспірімдер спорт мектебін аралады. Заман талабына сай салынған нысанда жүзу спортына да көңіл бөлініп отыр. Бүгінде оған 80 адам тартылған. Облыс әкімі Оңдасын Оразалин биыл қолға алынған жұмыстар жалғасын табатынын тілге тиек етті.
Келесі жылы әлеуметтік нысандарды жөндеп және жаңаларын салуға баса назар аударылатын болады. Облыс басшысы басқа ауылдарға да газ тартылатын жеткізді. Сондай-ақ ол ауыл тұрғындарымен кездесіп, оларды келе жатқан Тәуелсіздік күнімен құттықтады.