Қаладан қарды жаппай полигонға шығару 10-ақпаннан кейін басталады
Қаладан қарды жаппай полигонға шығару 10-ақпаннан кейін басталады. Ал жеке тұрғын үй секторында қар аршу жұмыстары өткен аптадан бері жүріп жатыр. Бүгін арнайы техникалар Шанхай ауданында жұмыс жасады. Өткен аптада қыс бойы қар аршылмаған Мәскеу, Құрмыш аудандарында арнайы техникалар жұмыс жасаған болатын. Осы апта кезек Шанхай ауданына жеткен. Бүгін О. Кошевой, Чернышевский көшелерінде трактор, қар тиеп, тасығыш техникалар жұмыс жасады.Әуеқалашығы, Сүт зауыты аудандарында да қар күреу жұмыстары жүреді. Ал жалпы қала бойынша қарды жаппай полигонға шығару 10-ақпаннан кейін басталады. Ол жұмыстарға барлығы 12 мердігер компания жұмылдырылған. Сондай-ақ жеті компания жол жиектерін қардан тазартумен айналысады. 1 жолақты көшелер мен жаяу жүргіншілер жолы назардан тыс қалып жатқан жоқ, дейді Ернар Қалауов. Қар шығаратын жалғыз полигон бар. Ол қалалық қатты тұрмыстық қалдық жинайтын полигон қасында орналасқан. Көктемгі су тасқыны кезінде одан тұрғын жайларға келетін қауіп жоқ, деп сендіреді әкімдік өкілі.Количество показов: 797
Дата создания: 07.02.2023 11:44:04
