Бүгін қалада жаңа жыл мерекесі қарсаңында "Аяз ата мен ақшақар" шеруі басталды. Акция аясында Аяз ата мен Ақшақар қоғамдық көліктерге мініп, жолаушыларды құттықтады. Шара екі күнге жалғасады.Акция қалалық мәдениет бөлімінің ұйымдастыруымен өтуде. Шеру таңғы сағат 11-ден түскі 1-ге дейін және түстен кейін 4-тен 6-ға дейін жалғасады. Акция ертең де жалғасады.
Шараға барлығы 12 Аяз ата мен 12 Ақшақар жұмылдырылған. Жаңа жыл мерекесінің басты кейіпкерлері қоғамдық көліктегілерді құттықтап қана қоймай, өнерін көрсеткендерге берер сыйлығы да бар екенін айтты. Құттықтаушылар "Қалалық мәдениет үйі", "Қурайлы мәдениет үйі", "Қалалық қазақ зағиптар қоғамы мәдениет үйі", "Геолог мәдениет үйі", "Сазды мәдениет үйі" және қалалық білім бөлімінің қызметкерлері. Олар №15, 48, 1, 8а, 19, 7, 11, 22, 24, 27, 45 бағытында жүретін автобустардағы ақтөбеліктерге жаңа жылдық көңіл-күй сыйлайды.