Шаһарда күрішке тапшылық жоқ. Бағасы сәл қымбаттаған. Дүкен сөрелерінде күріштің барлық түрлері бар. Мәселен, 3 жарым келілік күріш 3028 теңгеден асады. Ал, келілеп сатылатын күріш 452 теңгеден басталады. Тұрғындар күрішпен бірге азық- түліктің барлық түрі қымбаттағанын алға тартты. Қаладағы ірі супермаркеттер желілеріне күріш түрлері жетісіне екі рет әкелінеді. Күріш жергілікті "ЖазГрупп" фирмасынан тасымалданады. 3 келіден асатын қораптағы күріш қазір 3609 теңгеден, 4 жарым келісі 3624 теңге, 5 келілік күріш 4062 теңге тұрады. Келісі көп болған сайын баға да жоғары. Ал бір келі күріш дүкендерде 452 теңгеден сатылып жатыр.
Қырағы ақтөбеліктер бірер күнде ақ күріштің бағасы өскенін бірден байқапты. Жұртшылық тек күріш қана емес, басқа да азық- түлік түрлері күн сайын қымбаттап жатыр деп шағымдарын айтты. Бірақ азық-түлік сатып алмай тағы отыра алмаймыз деп ақтарынан жарылды. Дегенмен елде күрішке деген тапшылық жоқ. Қорда бірнеше айға жететін өнім сақтаулы тұр. Өндіруші зауыттардан күріштің бір келісі 256 теңгеден босатылуда. Көтерме баға 340- 390 теңге аралығында. ҚР ауыл шаруашылығы министрі Ербол Қарашөкеевтің мәліметі бойынша, шет елдерге өткен тоғыз айдың ішінде 70 мың тонна күріш экспортталған. Әсіресе, ұнтақталған күріштің 80%- ы көршілес Ресейге жөнелтілген.