Қала сыртына 128 мың тонна қар шығарылды
 | Қаладан қар шығару жұмыстары қарқын алды. Әсіресе Иманов пен Әкімжанов көшелерінде қызу жүріп жатыр. Коммуналдық мекемелер Құрмыш пен Мәскеу аудандарының қарын қала сыртындағы полигондарға үздіксіз тасуда. Әзірге Мәскеу ауданы 80 пайызға қардан тазартылды. Қаланың қалған бөліктерінде де қар тазалау жұмыстары тоқтаусыз жүріп жатыр. Мердігер мекемелер қала сыртына қыс бойы 128 мың тоннадан астам қар шығарып үлгерген. Қар тазалаумен аударғыш көліктер, автогрейдер, тиегіш техникалар мен қар жинағыш, тіркеме грейдерлер айналысуда. Техника көмегімен және қолмен жиналған қар "Камаз" көліктеріне тиеліп, арнайы полигондарға жөнелтілуде. Мұндай полигон саны Ақтөбеде үшеу. Олар- Богослов тас жолындағы, Ақжар-2 ауылындағы және қоқыс полигоны. Оларға қыс бойы бір көлік күн сайын 200 мәрте қатынауға мәжбүр болды. Әйтсе де ақтөбеліктер қар тазарту жұмыстарының қаланың ішінде біркелкі жүргізіліп жатпағанына наразы. Мәселен Шанхай ауданындағы жылда суы "көлге" ұласып жататын көшелерге қар тасығыш көліктер ат ізін салмаған. |
«Тәулік» бағдарламасының толық нұсқасын мына сілтемеден қараңыз
Количество показов: 1839
Дата создания: 03.03.2014 17:59:54
