“Алақай” қуыршақ театрында V облыстық “ЕркеТеатрAktobe” балалар фестивалі ашылды

Бүгін “Алақай” қуыршақ театрында V облыстық “ЕркеТеатрAktobe” атты балалар фестивалі басталды. Дәстүрлі өнер байқауы 4-10 жас аралығындағы балалар арасында өтіп жатыр. 350-ге жуық мектеп оқушылары мен балабақша тәрбиеленушілері бақ сынауда.
Халықаралық театр күніне орайластырылған балалар фестивалі биыл 5-ші мәрте өтіп жатыр. Балақайлар еркін тақырыпта өнерлерін көрсетті. Қазылар алқасы кішкентай әртістердің сахнада өз өздерін ұстау, сөз мәнері мен әртістік қабылеттеріне баға берді. Балалардың театр өнеріне деген қызығушылығын арттыра отырып, балалар мен ата-аналар арасындағы шығармашылық байланысты нығайту басты мақсатымыз, дейді ұйымдастырушылар.Фестивальге бүлдіршіндер 34 қойылым дайындап келген. Олар көпке белгілі батырлар ертегісі мен қазақтың салт-дәстүрін дәріптейтін көріністер қойды. Тіпті, жемқорлық, адамдардың гаджеттерге тәуелділігі сынды өзекті тақырыптарды да сахналанды.Үлкен сахнада өнер көрсеткен балалар арасынан "Ең үздік актер" және "Ең үздік актриса" таңдалады. Сондай-ақ, "Ең үздік қойылым" анықталады. 
Количество показов: 884
Дата создания: 29.03.2023 16:02:28