Іргедегі Алға ауданы халқының 98 пайызы көгілдір отынмен қамтамасыз етілген. Бүгін аудандағы Еркінкүш елді мекеніне газ берілді. Облыс әкімі Оңдасын Оразалин тұрғындардың қуанышына ортақтасты.
Елді мекенді орталық газ құбырына қосу жұмыстары жыл бойы жүргізілген. Ауылдық жерлерді газбен қамтамасыз етуге арналған мемлекеттік бағдарламалар аясында алдағы жылдары республикалық бюджеттен 2 млрд теңге бөлінетін болды. Бұл ауқымды қаражатқа 10 ірі жоба жүзеге асырылмақшы. Жалпы облыс бойынша 323 елді мекеннің 140- тан астамына газ құбыры тартылған.