Адам төзгісіз жағдайда тұрып жатқан жалғызбасты ана әкімдіктен көмек сұрайды

Марал Жайғожина - 29 жаста. Жайсаң балалар үйінің тәрбиеленушісі. 9 жасынан бері эпилепсиямен ауырады. 2-топ мүгедегі 1 жасқа толмаған ұлымен Олег Кошевой көшесіндегі ескі жатақхананың бірінде тұрып жатыр. Жатақхананы 2022 жылы қалалық әкімдік берген. Бастағы баспана деген аты болмаса, адам тұрарлық жағдайда емес. Жылдың 4 мезгілінде тарақанмен арпалысады. Қыста терезеге мұз қатып, екеудің бойлары жылымайды. Тамақты электр пешіне әзірлегендіктен электр жарығына төлейтін ақша да көп кетеді екен. Маралды жүріп жүрген жігіті үйленемін деп алдап тастап кеткен. Қазір баласын өзі асырап отыр. Жарық ауылының тұрғыны баланың өзінікі екеніне күмәнданып, ДНК жасатқан. Қазір 35 мың алимент төлегеніне мәз. Қазір алименті, өз мүгедектігіне алатын және баласы үшін төленетін жәрдемақыларды қосқанда 100 мыңдай кірісі бар. Алайда, қымбатшылықтан қиналып қалатыны бар. Тігінші боп жұмыс істеген. Қазір нәпақа табуға баласынан шыға алмай отыр. Марал Жайғожина №1 қалалық емханада тіркелген. Дәрі-дәрмек алғанымен еш көмек жоқ деп отыр. Қазір келіншек тұрғын үй кезегінде тұр. Сөзінше, алдында әлі мыңға жуық адам бар. Ал, әкімдіктегілер пәтер тек кезек бойынша ғана беріледі, дейді.
Количество показов: 286
Дата создания: 01.02.2025 08:32:22