Абай ескерткіші алдында салтанатты митинг өтті

7 мамыр - Отан қорғаушылар күні мен 9 мамыр - Жеңіс күніне орай өткен сенбіде Абай ескерткіші алдында митинг өтті. Ұлы ақынға тағзым етуге қала әкімі Мұрат Жөребеков пен облыстық ардагерлер кеңесі мүшелері келді. Абай гүлзарында А. Байтұрсынұлы атындағы лингвистикалық мектеп- гимназиясының оқушылары және әскери кафедраның сарбаздары мерекелік шара ұйымдастырды.
6 мамыр күні Абай гүлзарында салтанатты жиын өтті. Ұлы ақынның ескерткішіне тағзым етіп, гүл шоқтарын қоюға шаһыр басшысы Мұрат Жөребеков бастаған облыстық ардагерлер кеңесі мүшелері келді.
Қала әкімі Мұрат Жөребеков сөз алып, осы сынды рухани бағыттағы жұмыстарды үнемі ұйымдастырып тұру керектігін айтты. Қалада Отан қорғаушылар күні мен Ұлы Жеңістің 78 жылдығына орай түрлі мерекелік шаралар, ескерткіштерге гүл қою рәсімдері өткізілді. Қала бойынша 47 ескерткішке гүл шоқтарын қою жоспарланған болатын.
Шара барысында қала әкімі Мұрат Жөребеков еліміздің дамуына өз үлестерін қосып жүрген азаматтарға алғысын білдірді.
Количество показов: 705
Дата создания: 10.05.2023 15:03:05