Ақтөбенің медицина саласының үздіктері марапатталды. Бүгін Марат Оспанов атындағы Батыс Қазақстан медицина университетіне 65 жыл толуына орай "Медицина біліміндегі инновациялар" атты ғылыми- тәжірибелік конференциясы өтті. Шараға облыс әкімі Ералы Тоғжанов пен ҚР Денсаулық сақтау министрі Ажар Ғиният қатысты. Конференция барысында облыс әкімі медицина саласындағы түйткілді мәселелерді ортаға салып, медицина саласының үздіктеріне арнайы төсбелгі табыстады.
Шара барысында облыс әкімі Ералы Тоғжанов өңірдегі медицина саласының үздіктерін мерекелерімен құттықтады. Сондай-ақ, денсаулық сақтау саласындағы жаңа қолға алынатын жобаларды айтып өтті. Әсіресе, ауылдық жерлердегі медицина саласын дамыту қажеттігін алға тартты. Келер жылы ауылдық жерлерде 29 нысан бой көтермек. Сонымен қатар, ауылдық жерлердегі білім саласы мен интернет желісіне қатысты мәселелер көтерілді.