Ақтөбелік құтқарушылар өзендегі мұзға батқан жылқыны аман алып шықты

Елек өзеніне жылқы түсіп кетіп, құтқарушылар әрең шығарып алды. Оқиға кеше кеште болған. Өзен бойымен серуендеп жүрген тұрғындар мұз үстінде басы шығып тұрған жылқыны көріп, 112-ге хабарласқан. Жедел-құтқару жасағының қызметкерлері өзен жағасына көлікпен жете алмай, бірнеше қашықтық жаяу жүріп өткен. Трос арқылы малды шығаруға тырысқанымен нәтиже болмапты. Мұз жануардың салмағын көтере алмай опырыла беріпті. Кейін құтқарушылар мұзды ойып жол аршыған.
Үш сағаттай уақыт өткенде 20 метр мұзды ойып, жылқыны жағаға шығарып алды. Жануар кейін жақын маңдағы шаруашылықтың жылы қорасына орналастырылған. Төтеншеліктер өзен бетіндегі мұздың қалыңдығы қалыпты дейді. 40-42 см. Алайда, қатты ағыс пен қамыс арасындағы мұз жұқа. Айдынға шыққанда өте сақ болу қажет. Көк айдынға балықшылар жиі шығады. Сақтық шараларына аса мән беру қажет, дейді құтқарушылар. Ал, №2 құтқару бекетінің қызметкерлері Кірпішті мен Заречный көпірлерінің арасындағы аумаққа жауапты. Қыс басталғалы мұзға батқан аққу мен жылқыны құтқарыпты.

Количество показов: 154
Дата создания: 28.02.2025 06:53:02