Қол арбаға таңылған ақтөбелік Юрий Устимович ақтөбелік жомарт жандардан үмітін үзбейді. Мүгедек екі ер адам 80 жастағы қарт аналарымен қала шетіндегі "ВОХР" ауылында жыртық үйде жан бағып отыр. Тапқан-таянғандарын отынға жұмсап отырған үш ғәріп тойып тамақ ішуді ұмытқан. Қазір енді қордағы көмірлері де таусылуға жақын. Юрий Устимович пен Александр Котельников еңбекке қабілетсіз. Ал аналары 80 жастағы қария. Баспаналарын өздігімен жөндеуге мұршалары жетпейді. 40 жыртық қараша үй азынап тұр. Кешегі жауын-шашыннан кейін әр жерден су сорғалап ағып жатыр. Бұған дейін де мұқтаж отбасы ақтөбеліктерден көмек сұраған. Онымен әзірге бұл қараша үйдің есігінен ешкім қарамаған.
Қол арбаға таңылған Юрий Устимович екінші топтағы мүгедек. Дұрыс сөйлей де алмайды. Ал ағасы Александр Котельников үшінші топтағы мүгедек. Өздерінің және анасының ай сайынғы зейнетақысы мен жәрдемақысы ағаш пен көмір сатып алудан ауыспай отыр. Олар үй құласа, қирандының астында қалып кетеміз бе деп қорқады. Қазіргідей көктайғақта ешбірі далаға шығудан да қалған.
Бұл отбасы мүгедектер санаты бойынша тегін үй кезегіне қойылған. Онымен кезектерінің қашан келетіні белгісіз. Олардың бар үміті қайырымды жандарда. Жылы киім, ас-сумен бөлісемін дегендер болса, отбасы туралы ақпаратты редакциямыздан алуға болады. Айта кету керек, өткен аптада «Протяни руки помощи» қайырымды жандар тобы осы отбасы мүшелеріне азық жеткізіп берген.