Ақтөбелік бағбандардың өнімі нарыққа шықты. Енді қала тұрғындары өзге өңірлерден келген өнімді емес, экологиялық таза, нитратсыз, ең бастысы жергілікті бақша өнімдерін тұтына алады. Қала тұрғындары қыстың қамына көшкен. Айта кету керек "Табыс" коммуналдық базарында жергілікті картоптың келісі 150 теңге, оралдық картоп 175 теңге. Сәбіздің келісі 175 теңге, қызанақ пен қияр 350 теңге. Қызылшаның келісі 175 теңге болса, орамжапырақ 200 теңгеге саудаланып жатыр.
Облыстық бюджеттен 2021-2022 жылдың маусымаралық кезеңдерінде тұрақтандыру қорына көкөніс салу үшін 87 миллион теңге бөлінген. Биыл тұрақтандыру қорында 2000 тонна картоп, 233 тонна пияз, 200 тонна сәбіз, 158 тонна қырыққабат сақтау жоспарлануда. Өнімдер келесі айдың басында қоймаларға жеткізіле бастайды. Жергілікті кәсіпорындардан көкөністің төменгі бағасын ұсынып отырған "Пригородный" ЖШС.