Ақтөбеге Халық қаһарманы Тоқтар Әубәкіров келді
 | Әлемнің тұңғыш ғарышкері Юрий Гагариннің туылғанына биыл 80 жыл толды. Осыған орай бүгін қаламызға қазақтан шыққан тұңғыш ғарышкер, Кеңес одағының батыры, Қазақстан Республикасының Халық қаһарманы Тоқтар Әубәкіров келді. Ғарышкер Достық үйінде ақтөбеліктермен кездесті. Қазақ атын ғарышқа дейін жеткізген тұлғамен кездесуге жерлестеріміз көп жиналды. Залда ине шаншар орын болмады. Құрметті мейман халықпен ашық-жарқын тілдесіп, сұрақтарына жауап берді. Тоқтар Әубәкіровпен бірге «Қазғарыш» ұлттық ғарыш агенттігінің өкілі, ғарышкер-сынақшы Айдын Айымбетов те келді. Сәлемдесуден кейін тұңғыш ғарышкер көрермен сұрақтарына жауап берді. «Ғарыштан жерге қарағанда қандай сезімді бастан өткердіңіз?» деген сауалға былай деп жауап қайтарды. Ғарышкер, Халық қаһарманы, Кеңес одағының батыры атағының көтеріп жүрген жүгінің ғарышқа ұшудан да ауыр еңбекпен келгенін айтты. Ғарышкердің қаламызға сапарымен бүгін "Гагарин көктемі" апталығы ашылды. Апталық аясында "Балалар ғарышқа" атты байқау-көрме, поэзиялық кеш, тағы басқа шаралар жоспарланған. |
«Тәулік» бағдарламасының толық нұсқасын мына сілтемеден қараңыз
Количество показов: 2084
Дата создания: 04.04.2014 18:31:39
