Ақтөбеде заңсыз онлайн-казино ұйымдастырған қылмыстық топ құрықталды
Заңсыз онлайн-казино ұйымдастырған қылмыстық топтың қызметі тоқтатылды. 2022-2024 жылдар аралығында күдіктілер топ құрып, «bingo37.pro» платформасы арқылы заңсыз ойын бизнесін жүргізіп келіпті. Ойыншылардың ақшалай ставкалары банктік аударымдар арқылы қабылданып, кейіннен логин, пароль және ойындарға кіруге сілтеме берілген, ірі көлемде қаражат қолма-қол ақшаға айналдырылған. Қылмыстық топтың күнделікті табысы 150 000-200 000 теңгені құрап, жалпы заңсыз кірісі 306 миллион теңгеден асыпты.Тергеу нәтижесінде заңсыз табыстарға екі автокөлік - Toyota Land Cruiser және Lexus EC 250 сатып алынғаны анықталды. Олардың жалпы құны 66 миллион теңгені құрап, мүлікті тәркілеуден жасыру мақсатында сенімді тұлғаларға рәсімделген. Сот шешімімен бұл автокөліктерге тыйым салынды.Сот ұйымдастырушыларға қатысты қамауға алу түріндегі бұлтартпау шарасын тағайындады. Қазіргі уақытта сотқа дейінгі тергеу амалдары жүріп жатыр.
Жыл басынан бері сот заңсыз ойын бизнесін ұйымдастырған екі топ бойынша үкім шығарды. Сот үкімі бойынша үш адам ҚР ҚК 307-бабы 2-бөлігінің 2-тармағы бойынша 2 жылға бас бостандығын шектеу жазасына кесіліп, пробациялық бақылауға алынды. Сондай-ақ, түнгі уақытта ойын-сауық орындарына баруға тыйым салынды. Құқық қорғаушылар ақшалай аударымдар үшін «оңай табыс» ұсынылса, сақ болуға шақырады. Бұл қылмыстық жүйенің бір бөлігі болуы мүмкін екендігін ескертеді.
Количество показов: 45
Дата создания: 21.03.2025 07:35:15
