Ақтөбеде теннистен азиаттық серия ойындары өтіп жатыр. Халықаралық жарысқа Ресей мен Өзбекстаннан спортшылар келген. Сондай-ақ, Атырау, Ақтау, Орал, Қарағанды, Шымкент, Нұр-Сұлтан қалаларынан қатысушылар бақтарын сынап жатыр. Азиаттық серия ойындарында барлығы 32 спортшы жекелей де жұптасып та кортқа шығады. Жарыс теннистен мамандандырылған облыстық балалар-жасөспірімдер спорт мектебінде өтіп жатыр. Апта соңында жарыстың жеңімпаздары анықталады. Ақтөбеде теннистен халықаралық турнирі басталды. Азиялық ATF 14 Under G2 теннис сериясының бағдарламасына енетін аталмыш бәсекеге бірнеше елдің 14 жасқа дейінгі ұл-қыздары қатысуда. Осымен Ақтөбеде екінші рет ұйымдастырылып отырған жарыстың ашылу салтанаты қаладағы теннистен мамандандырылған облыстық балалар-жасөспірімдер спорт мектебінде өтті. Шара барысында Қазақстан теннис федерациясының атқарушы директоры Дэйв Майли сөз сөйлеп, жас спортшыларды турнирдің басталуымен құттықтады.
Биылғы додаға үш елдің, атап айтқанда, Қазақстан, Өзбекстан, Ресейдің ұзын саны 50-ге жуық спортшысы қатысуға ниет білдіріпті. Сайыста ел намысын Ақтөбелік жас спортшылардан бөлек, өзге облыстардың теннисшілері де қорғауда. Солардың бірі- Мансұр Саимов.Еске салайық, бір аптаға созылатын байрақты бәсекенің ойындары теннистен мамандандырылған облыстық балалар-жасөспірімдер спорт мектебінде өтуде. Жас теннисшілердің өнерін тамашалаймын деушілерге кіру тегін. Спорттық ойындар барысында санитарлық талаптар сақталған.