Ақтөбеде мопед тіркеу басталды

Бүгін Ақтөбе қаласының мопед иелері көліктерін заңдастыруды қолға алды. Жүргізуші тиісті құжатарды рәсімдемей, 5 сәуірде мопед мініп шығатын болса жауапкершілікке тартылады. Онымен қоса екі дөңгелекті көлік иелері жүргізуші куәлігін алуы шарт. Мұндағы мақсат қала жолдарындағы қауіпсіздікті арттыру.
Былтыр елімізде мопедтердің қатысуымен 400-ге жуық жол-көлік оқиғасы болды.
Ерсілі-қарсылы айдап, әр бұрыштан шыға келетін мопедтер бүгінде жаяу жүргіншілер мен автомобиль жүргізушілеріне айтарлықтай ыңғайсыздық тудырып отыр. Жаңа заң нормаларына сейкес, енді олар толыққанды жол қозғалысына қатысушылар, сәйкесінше олар тіркеліп, оқудан өтуі керек.Мопедті тіркеу және жүргізуші куәлігін алу үшін Мамандандырылған халыққа қызмет көрсету орталықтарына жүгіну қажет.Заңға енгізілген өзгерістерге сәйкес, максималды конструкторлық жылдамдығы сағатына елу шақырымнан асатын мопедтер тіркелуге тиіс. Заң жарияланған сәттен бастап мопед жүргізушілеріне жүргізуші куәлігін алу үшін 6 ай уақыт беріледі. Айта кетейік, 5 сәуірден бастап тіркелмеген мопедтер үшін жүргізушілерге 10 айлық есептік көрсеткіш көлемінде айыппұл салынбақ!

Количество показов: 350
Дата создания: 30.01.2025 08:00:58